Reina&Greetje Dat bin ik en wolkom yn myn wrâld. Dêr wêr 't ik libje, beleef en dêr 't alles kin. Wêr 't ik genietsje fan de minsken om my hinne dy 't ik leafha. Wêr 't ik noch lang net alles wit of snap en it fertrouwen ha dat dy tiid echt wol komt, presys wannear 't it kloppet. Wêr 't ik fan optein nei stil en hearlik allinnich wêze kin. Laitsje, gûl, fal en altyd wer opstean. Wêr 't ik myn grutste lytse ik wêze kin.

‘Reina&Greetje has an inherant intention to touch the wonders of the worlds, the known and unknown’ – Iman Kamel

Ik observearje en sjoch dwers troch it deistige op in oare wize nei de wrâld. Op myn kop, fan binnenstebûten of yn in dûnske deromhinne. Troch myn eagen sjoch ik ferbiningen wêrtroch 't nije wrâlden ûntstean. Dêr fyn ik se. De ferlerne stikjes en de oantinkens. De glimpen, glinsteringen en flonkeringen. Fûn om te dielen en de wrâld yn te sjitten mei as winsk dat se reitsje. Yn wurden, byld of tegearre tagelyk. 

Hoe wurket Reina&Greetje?

Wêr 't Reina dejinge dy 't wurden en bylden sammelet yn de wûnderlike wrâlden fan ferbyldingskrêft, soarget Greetje derfoar dat se nei thús komme, mei twa fuotten werom op stevige grûn.

Om net ûneinich te ferdwalen tekenje ik yn ’t foar in rûtekaart mei in tal oanknopingspunten. In dúdlike rjochting, begjin, ein, in tal tuskenstasjons mei dêr tusken in hiel soad romte om nije paadsjes te ûntdekken. Fijn foar mysels en de minsken mei wa 't ik gearwurkje.

Yn hokker wrâlden ik ek bin, kontakt hâlde en kommunisearje slagget eins altyd. Wolst mear ynformaasje oer my, oer gearwurkjen of samar wat freegje? Belje of mail my gerêst!

Kinst dy ek ynskriuwe foar de nijsbrief of folgje myn aventoeren op @reina_en_greetje.